Boswell's Life of Johnson · James Boswell
No. II.
Verses written by Sir Alexander (now Lord) Macdonald; addressed and presented to Dr. Johnson, at Armidale in the Isle of Sky.
Viator, o qui nostra per aequora Visurus agros Skiaticos venis, En te salutantes tributim Undique conglomerantur oris.
Donaldiani,--quotquot in insulis Compescit arctis limitibus mare; Alitque jamdudum, ac alendos Piscibus indigenas fovebit.
Ciere fluctus siste, Procelliger, Nec tu laborans perge, precor, ratis, Ne conjugem plangat marita, Ne doleat soboles parentem.
Nec te vicissim poeniteat virum Luxisse;--vestro scimus ut aestuant In corde luctantes dolores, Cum feriant inopina corpus.
Quidni! peremptum clade tuentibus Plus semper illo qui moritur pati Datur, doloris dum profundos Pervia mens aperit recessus.
Valete luctus;--hinc lacrymabiles Arcete visus:--ibimus, ibimus Superbienti qua theatro Fingaliae memorantur aulae.
Illustris hospes! mox spatiabere Qua mens ruinae ducta meatibus Gaudebit explorare coetus, Buccina qua cecinit triumphos;
Audin? resurgens spirat anhelitu Dux usitato, suscitat efficax Poeta manes, ingruitque Vi solitâ redivivus horror.
Ahaena quassans tela gravi manu Sic ibat atrox Ossiani pater: Quiescat urnâ, stet fidelis Phersonius vigil ad favillam.
· · ·
End of part 84 of 91
Continue readingAdvertisement of the Life (1785)
Starvard